00:00
00:00
00:00
გადმოწერა

ნამუშევარი "წყალწაღებული" (Gone with the Water) CCA-T - თანამედროვე ხელოვნების ცენტრი - თბილისის სტუდენტების საერთო გამოფენა "მეხუთე ფაზის" ფარგლებში შეიქმნა. გამოფენის თემა იყო "სიზმრები" და ამ თემის გარშემო არსებულ ქვეცნობიერ შრეებში ჩაღრმავება.

ნამუშევარი მოიცავს მსჯელობას, რომელიც კარგად ნაცნობი ხალხური გამოთქმისა და ერთგვარი ტრადიციის "ცუდი სიზმარი წყალს მოუყევი და გაატანე"-ს განვრცობაა. ნამუშევრის ავტორები დაფიქრდნენ, თუ სად შეიძლება მოიყაროს თავი ამდენმა სიზმარმა და ფორმალურად დაადგინეს საბოლოო დანიშნულების წერტილი: მტკვრის გავლით - კასპიის ზღვა. შედეგად შეიქმნა მულტიმედიური ნამუშევარი ვიდეოსა და კედლის ნახატის ერთობლიობით.